Ehrung Altbürgermeister Dieter Kindl   Donnerstag, 22. April 2004 Sportzentrum Obertauern

Bürgermeister a.D. Dieter Kindl ist mit 25. März 2004 in den verdienten Ruhestand getreten. Dieter Kindl war von 1979 bis 1989 Vizebürgermeister und von 1989 bis 2004 Bürgermeister der Gemeinde Untertauern. Für seinen großen Einsatz und die hervorrgenden Leistungen wird im gedankt und der goldene Ehrenring der Gemeinde Untertauern verliehen.

Grüaß enk Gott all mitanond,
dia `s kemma seids im Feischtagsgwand,
Hochgstellte Persönlichkeitn sand a unter ins heit,
und gebn insan Altbuargermoaster die Ehr`, es is a Freid!
Dieter Kindl, er hat 15 Joahr in Unter-und Obertauern regiert,
va ins mit Dankbarkeit verabschied` wird.

Va Wean is er kemma und auffi am Tauern,
er hat si schnell gwöhnt ans Wettern und Schauern
und begriffn sofort,
der Schnee is dös größt` Kapital für den Ort.

 Üba 30 Joahr bist hiatz scho am Tauern obn
und dein Einsatz ko ma heit nur lobn.
Zerscht hast im altn Gemeindehaus gwohnt,
bis d` nocha im eigenen Hotel hast thront.

 Als Fremdnverkehrsdirektor umandum anerkannt,
woarst gschätzt im ganzn Land,
weil du hast wesntlichn Anteil dro,
dass der Tauern als Wintersportort voro.

 Der Aufbau woar sicha nit allwei(l) leicht,
aber du hast narrisch viel erreicht,
schau stolz zruck auf dei(n) Wirkn,
en Kindl sein Nam`, den wird ma si mirkn.

 In ana zwoageteiltn Gemeinde a guter Manager sei(n),
da steckt an Haufn Diplomatie und Einsatz drei(n).
Nit leicht woar `s, für di an ebnbürtign Nachfolger z` kriagn,
wann `s anderscht wa, i miassat liagn.

 Insa Schui dir stets a groß` Anliegn woar,
bei all Veranstaltungen dabei in dia vieln Joahr.
Drum is ins so wichtig, dass mia  Schuiara DANK SCHÖ sagn,
a Liad und an etla Versei dir gern vortragn.

 Mia wolln dir a a Kloanigkeit schenkn,
dadurch soitst hia und da an ins Schuikinder denkn.
A Bami is, a Vöglbeebami, mia hoffn, dass d` es magst,
weil ebbas anders da herobn am Tauern ja kamb wachst.

 A Platzl wissat ma a scho, in der Eckn nebn an Hausaufgang,
oder links vom Haus, da wa ins um dö Pflanzn nit bang.
Ban Einsetzn tat ma a fest packn o(n),
nocha wurdn sicha glei amoi hänga rote Vöglbee dro.

 Viel Ertrag soit dir dös Bami in der Zukunft bringa,
a Schnapsei, dass d` va lauter Freid kunnst singa.
Weil aber heier no koa Ernte steht ins Haus,
hamb mia ins denkt was ganz Gscheits aus.

 Du spielst ja Golf und hiatz pass auf,
mia hängan Golfbälle als Früchte drauf.
In an niadn Balln is a Dankschön und a Glückwunsch für dei(n) weiteres Lebn,
va Herzn und mit Dankbarkeit mecht ma dir dös gebn.

 19 kleine Dankeschön

 
Lieber Herr Altbürgermeister, danke ....

So, dös wünsch ma dir und hiatz is gnua,
alls andere wünscht dir selm dazua.
Tua a auf die Tradition weiter nit vergessn,
bist pünktlich stets am Stammtisch gsessn.
Montag bis Freitag ban Binggl, so soits sei(n)
und Samstag, Sunntag kehrst ban Gasthof Sailer ei(n).
Da bist eh scho jedn Tag der Woch` aktiv,
somit ko in der Zukunft geh nix schief.

LIED: Sim Sala Sing
Ein Bürgermeister mit viel Schmäh
verlässt das Amt, oh jemine.
Er hatte immer recht viel Schwung,
der Bürgermeister ist geblieben bis heute jung.
 Wir Kinder wollen dankbar sein,
unsere Wünsche sollen dich erfreun.
Dem Nachfolger auch Kraft und Glück,
und für sein neues Amt besonders viel Geschick.